"من لما نزحنا عالمدرسة وأنا مضغوطة نفسياً من وقت الولادة، وين وكيف رح تكون بسبب الظروف وبيتنا يلي تهدم؟".
مرت لحظات الزلزال الأربعين على السيدة "سوسن" صعبة حالها كحال الجميع، وما بعد الكارثة كان ثقيلاً عليها بشكل مضاعف كونها كانت تتحضر لولادة ابنتها "حنين" واضطرت للّجوء لإحدى مراكز الإيواء المؤقتة نتيجة تهدم منزلها.
"بعد الولادة زاد عندي الاكتئاب بشكل كبير.. مالنا عرفانين كيف رح نأمن احتياجات حنين ".
ولدت حنين بعد شهر من معاناة عائلتها والكثير من العائلات في مراكز الإيواء وفقدانهم لكل ذكرياتهم وما كانوا يحضرون له من لحظات ينتظرونها.. تم تقديم مستلزمات الولادة للسيدة وطفلتها من قبل الفريق الجوال في جمعية رفع المستوى الصحي والاجتماعي بحلب.
"الشي يلي خلاني سعيدة ومرتاحة الوقت يلي قضيته بالجلسة، حسيت أنو في حدا قادر يتفهم الضغط يلي عم مر فيه وكنت عم فرغ يلي بقلبي وأنا مرتاحة".
كما تم تقديم للسيدة سوسن الدعم النفسي الأولي الذي تحتاجه نتيجة آثار الكارثة و الحالة النفسية التي تمر بها بعد الولادة.
